Sleppa leiðarkerfi.
Almennar Upplýsingar Andlitsmynd:
Formatted
Leiðbeiningar til listamanna
Notendanafn er ávallt kennitala (með bandstriki) og til að byrja með er kennitalan jafnframt lykilorð. Skynsamlegt er að skipta sem fyrst um lykilorð til að koma í veg fyrir að einhverjir óviðkomandi geti átt við síðuna þína. Þegar þú hefur valið þér nýtt lykilorð sendir þú tölvupóst á netfangið umm@umm.is með kennitölu og nýju lykilorði og vefstjórinn færir breytinguna inn.
Þegar þú ert kominn inn hverfur innskráningarglugginn en í staðinn stendur: Velkomin(n) og: Smelltu hér til að skrá þig út. Þá hefur einn liður bæst við á láréttu línuna ofan við gula bekkinn, Mín síða. Þú velur hana og þar getur þú valið um ýmsa hluta síðunnar eftir því hvaða þætti þú telur þörf á að uppfæra. Þegar þú hefur sett nýjar upplýsingar inn velur þú aðgerðina að uppfæra og heldur svo áfram.
Ef á forskráða listanum er ekki að finna nafn skóla, vinnustofu, sýningarstaðar eða annars þess sem þú vilt færa inn í þína ferilskrá þarf að búa til nýja færslu. Þá þarft þú að senda umsjónarmanni vefsins tölvupóst svo hægt sé að búa til nýja færslu byggða á upplýsingunum frá þér. Þetta er gert til þess að staðla færslurnar því það takmarkar mjög gildi leitarvélar ef hlutur er skráður á fleiri en einn hátt í sömu skrá.
Þegar þú hefur lokið þínu ætlunarverki skráir þú þig út af vefnum. Ekki láta þér bregða þó að nýjar upplýsingar birtist ekki samstundis á vefnum. Þær fara fyrst til vefstjóra sem fer yfir þær og fullkomnar síðan uppfærsluna.
